Forseti Rússlands, Vladimír Pútín, tilkynnti í dag að Rússland myndi héðan í frá aðeins samþykkja greiðslur fyrir eldsneyti í rúblum frá „óvinveittum þjóðum“, sem eru allar Evrópusambandsþjóðirnar eftir að efnahagsrefsiaðgerðir gegn Rússlandi tóku gildi vegna innrásar Rússa í Úkraínu.

Frétt af mbl.is

Noregur hámarkar framleiðsluna

„Ég hef ákveðið að setja ákveðnar reglur um hvernig hægt verði að greiða fyrir eldsneyti okkar til óvinveittra þjóða og við munum eingöngu samþykkja greiðslur í rúblum,“ sagði Pútín á stjórnarfundi sem var sjónvarpað. Reglurnar eiga að taka gildi innan næstu sjö daga.

Frétt af mbl.is

Ætla ekki að skerða orkuútflutning

Rúblan styrktist

„Rússland mun aðeins halda áfram að selja eldsneyti í því magni sem ákvarðað var í fyrri samningum.“

Pútín lýsti einnig frystingu eigna Rússa erlendis sem ólöglegri og að Bandaríkin og Evrópusambandið hefðu ekki staðið við skuldbindingar sínar við Rússland. „Nú vita allir í heiminum að skuldbindingar í dölum er hægt að svíkja,“ bætti hann við.

Strax eftir fundinn styrktist rúblan á markaði gegn bandaríkjadal og evru.

Tengdar fréttir

Úkraína

Segir Rússa nýta sér skort á loftvörnum

• Rússar skila sex börnum heim til Úkraínu
• Aðstæðurnar í Karkív „einstaklega erfiðar“
• Rússar handtaka hershöfðingja
• 14 þúsund yfirgefið heimili sín í Karkív

» Fleiri tengdar fréttir

• Blogga um frétt