Selenskí vill ótakmarkaða hernaðaraðstoð frá NATO
Setja bókamerki
Volodimír Selenskí, forseti Úkraínu, hvatti Atlantshafsbandalagið (NATO) í dag að veita úkraínskum stjórnvöldum ótakmarkaðan aðgang að hernaðaraðstoð. Um mánuður er síðan rússneskar hersveitir réðust inn í Úkraínu.
„Til þess að bjarga fólkinu okkar og borgunum þarf Úkraína ótakmarkaða hernaðaraðstoð, á sama hátt og Rússland notar sín vopnabúr gegn okkur af fullum krafti,“ sagði Selenskí á fundi með Atlantshafsbandalaginu í Brussel í morgun.
Selenskí tók þátt í fundinum í gegnum fjarfundabúnað.
Hann þakkaði bandalaginu fyrir þau varnarvopn sem það hefur nú þegar látið Úkraínu í té en bað um vopn til þess að berjast með.
„Þið getið gefið okkur eitt prósent af flugvélum ykkar. Eitt prósent af skriðdrekum ykkar. Eitt prósent!“
Sakaði rússneskar hersveitir um notkun fosfórvopna
Á fundinum sakaði hann Rússa um að nota fosfórvopn gegn Úkraínumönnum.
„Í morgun, á meðan ég man, voru fosfórsprengjur notaðar. Rússneskar fosfórsprengjur. Fullorðið fólk lést [í árásinni] og börn líka.“
Fosfórsprengjur eru mjög öflugar; þær geta valdið mikilli eyðileggingu á stórum svæðum og logar úr slíkum sprengjum geta orðið rúmlega 800 gráðu heitir. Notkun á sprengjum sem þessum getur því leitt til lífshættulegra meiðsla og langdregins dauða.
Notkun fosfór er bönnuð á svæðum óbreyttra borgara samkvæmt alþjóðalögum.
„Óviðunandi eftirlit með börnum“
Stormur á Þorláksmessu en víðast hvar stefnir í hvít jól
Beint: Gengið á fund forseta
Ný ríkisstjórn kynnt á morgun
Ók á hóp fólks á jólamarkaði: Einn látinn
Lát hjóna í Neskaupstað: Ákæra gefin út
„Tímabil aukinnar eldvirkni“