Að minnsta kosti fimm manns eru særðir eftir óvæntar loftárásir rússneska hersins á borgina Lvív í vesturhluta Úkraínu í dag.

Árásir á borgina hafa verið sjaldgæfar enda er hún enn fjarri helstu vígstöðvum í landinu nú þegar rúmur mánuður er liðinn frá innrás Rússa.

Þykkur reykur stígur upp frá borginni. AFP

Kviknaði í iðnaðarhúsnæði

Borgarstjórinn Andrí Sadóví segir að kviknað hafi í iðnaðarhúsnæði sem hefur að geyma eldsneyti, eftir árásirnar. Innviðir borgarinnar hafi þá skemmst töluvert.

Hvatti hann íbúa til að halda sig innandyra þar til slökkt verður á loftvarnarflautum.

Þykkan reyk mátti sjá leggja af miðborg Lvív eftir að árásirnar höfðu gengið yfir.

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir

• Blogga um frétt