Telur að íbúar vilji að svæðið verði rússneskt
Slökkviliðsmenn slökktu í vikunni stóran eld í matvælageymslu í borginni Severodonetsk sem staðsett er í Lugansk.
AFP
Setja bókamerki
Stjórnandi aðskilnaðarhéraðsins Lugansk í Úkraínu sagði í dag að héraðið muni líklega halda íbúakosningu þar sem kosið verði um sameiningu við Rússland.
„Ég held að á næstunni verði haldin atkvæðagreiðsla um yfirráðasvæði lýðveldisins þar sem fólkið mun láta í ljós skoðun sína um aðild að rússneska sambandsríkinu,“ hafa rússneskir fréttamiðlar eftir stjórnandanum, Lenoid Pasechink.
„Af einhverri ástæðu er ég viss um að það verði samþykkt.“
Rússneski herinn réðst inn í Úkraínu í lok febrúar og sagðist hann þá vera að verja úkraínsku héröðin Dónetsk og Lugansk, sem Rússland viðurkenndi nokkrum dögum áður sem sjálfstæð.
Héröðin eru staðsett í austurhluta Úkraínu og er þar aðallega töluð rússneska.
Fresta framkvæmdum við Landspítala
Vonast eftir breiðri þverpólitískri sátt
Frestar skerðingum fyrir norðan og austan
Par flutt á bráðamóttöku eftir árás
Erfiðara fyrir flokka að segjast hlutlausir