Rússnesk og úkraínsk stjórnvöld munu hefja friðarviðræður í persónu að nýju í dag. Viðræðurnar munu hefjast í skugga viðvaranna um að ástandið í umsetnu hafnarborginni Maríupol sé orðið óbærilegt. 

Það kvað við nýjan tón í orðræðu Volodimír Selenskí, forseta Úkraínu, í gær þar sem hann sagði brýnt að koma á friðarviðræðum í persónu og gaf til kynna að hann væri tilbúinn að ræða kröfur Rússa um ævarandi hlutleysi Úkraínu.

Frétt af mbl.is

Selenskí íhugar kröfu Rússa um hlutleysi

Samningateymi beggja hliða hafa ekki hist í persónu svo vikum skiptir en í dag mun þriggja daga samningalota hefjast að nýju í Istanbúl í Tyrklandi samkvæmt David Arakhamia fulltrúa Selenskís í friðarviðræðum. 

Allar fyrri tilraunir til friðarviðræðna hafa runnið út í sandinn og hefur stríð Rússa og Úkraínumanna núna staðið í 33 daga. 

Um tuttugu þúsund manns hafa fallið í stríðinu samkvæmt upplýsingum frá úkraínskum stjórnvöldum, tíu milljónir hafa flúið heimili sín og þrátt fyrir hrakföll rússneska hersins rignir sprengjum enn yfir fjölda borga í Úkraínu.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt