Meint eitrun úr lausu lofti gripin

Stjórnvöld í Rússlandi vísa því á bug að eitrað hafi verið fyrir rússneska auðkýfingnum Roman Abramovich sem viðstaddur er friðarviðræðurnar í Tyrklandi fyrir hönd Rússa. 

Frétt af mbl.is

Abramovich á friðarviðræðunum

Abramovich glímdi við óvæntan heilsubrest að því er virðist og flutti The Wall Street Journal fréttir af því í gær að eitrað hafi verið fyrir Abramovich sem og tveimur fulltrúum úr úkraínsku sendinefndinni. 

Dimitry Peskov, talsmaður Kreml, vísar þessu á bug og sagðir fréttirnar úr lausu lofti gripnar. Sé fréttaflutningurinn einfaldlega hluti af áróðursstríði. 

Frétt af mbl.is

Missti sjónina eftir neyslu á eitruðu súkkulaði

Peskov staðfesti hins vegar að Abramovich taki þátt í friðarviðræðunum þótt hann sé ekki formlega í rússnesku sendinefndinni. Bæði Rússar og Úkraínumenn hafi samþykkt aðkomu Abramovich að fundahöldunum í Tyrklandi. 

Tilgátur um meinta eitrun hafa gengið út á að rússneskir harðlínumenn sem hafi takmarkaðan áhuga á friði hafi eitrað fyrir Abramovich. 

• Blogga um frétt