Ákvörðun Rússa um að draga úr hernaðarumsvifum í grennd við úkraínsku höfuðborgina Kænugarð, markar „meiriháttar“ stefnubreytingu. Ekki er um að ræða skammtíma aðgerð heldur er þessi breyting líklega til lengri tíma.

Þetta hefur Jim Sciutto fréttamaður CNN eftir tveimur háttsettum bandarískum embættismönnum sem hann nefnir ekki á nafn.

Í tísti fréttamannsins kemur fram að Rússar séu nú að bregðast við misheppnuðum hernaðaraðgerðum í norðurhluta Úkraínu. Bandaríkin hafa þegar tekið eftir hreyfingu rússneskra herliða á svæðinu.

Stórt framfaraskref

Friðarviðræður milli úkraínsku og rússnesku sendinefndanna fóru fram í Istanbúl í Tyrklandi í dag. Árangur þeirra hefur vakið mikla athygli og hefur viðræðunum meðal annars verið lýst sem einu stærsta framfaraskrefi frá því að stríðið milli ríkjanna tveggja hófst.

Frétt af mbl.is

Segjast ætla að draga úr hernaðarumsvifum

Frétt af mbl.is

Viðræðurnar í dag marki stórt framfaraskref

Samkvæmt upplýsingum rússnesku sendinefndarinnar munu Rússar draga úr hernaðarumsvifum í norðurhluta Úkraínu. Var þetta talið mögulegt í ljósi þess að verið er að undirbúa samninga þess efnis að Úkraína verði hlutlaust ríki.

Þá var einnig lagður grundvöllur að viðræðum milli þjóðarleiðtoga ríkjanna tveggja í viðræðunum í dag. 

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt