Taka orðum Rússa með fyrirvara
Setja bókamerki
Utanríkisráðherra Bandaríkjanna tekur fögrum fyrirheitum Rússa, um að þeir séu að draga úr hernaðaraðgerðum við Kænugarð, með fyrirvara.
„Ég hef ekki séð neitt sem gefur til kynna að þeir ætli sér að framfylgja þessu á skilvirkan máta því við höfum enn ekki séð merki um að Rússum sé alvara,“ sagði Antony Blinken utanríkisráðherra Bandaríkjanna við blaðamenn í Marokkó.
Viðræður milli sendinefnda Úkraínu og Rússlands fóru fram í Istanbúl í Tyrklandi fyrr í dag. Þar kom fram að Rússar væru reiðubúnir að draga úr hernaðarumsvifum í norðurhluta Úkraínu. Töldu þeir þetta mögulegt í ljósi þess að verið er að undirbúa samninga þess efnis að Úkraína verði hlutlaust ríki.
Dæmum Pútín eftir gjörðum hans
Boris Johnson forsætisráðherra Bretlands tekur í sama streng og Blinken og telur of snemmt að fagna því sem fram kom í viðræðum milli ríkjanna í dag.
„Við munum dæma Pútín og stjórn hans eftir gjörðum hans en ekki orðum,“ sagði talsmaður Johnsons við blaðamenn fyrr í dag.
„Við viljum ekki sjá neitt minna en algjöran brottflutning rússneskra hersveita frá landsvæðum Úkraínu,“ bætti hann við.
Hættumat lækkað fyrir Svartsengi og Grindavík
Fjarlægja auglýsingu eftir notkun á lagi Cyrus
Mega lækka lífeyrisrétt yngra fólks
Vonast eftir nýjum kjarasamningi í dag
Ekið á gangandi vegfaranda í Reykjavík
Dæmi eru um að fólk tárist
Settu á svið umferðarslys til að svíkja út fé
Svartsengislína: Líklega aftur í rekstur fyrir helgi
