Einn af æðstu embættismönnum Sameinuðu þjóðanna hyggst heimsækja Moskvu um helgina í von um að tryggja „vopnahlé“ í Úkraínu.

Frá þessu greindi Antonio Guterres, aðalritari Sameinuðu þjóðanna, í dag.

Frétt af mbl.is

Segja Úkraínumenn hafa varpað sprengju í Rússlandi

Martin Griffiths, sem stýrir viðbrögðum SÞ við neyðarástandi, mun fljúga til Moskvu á sunnudag og síðan yfir í Kænugarð.

Guterres sagði heimsóknina sýna að Sameinuðu þjóðirnar „gefist ekki upp á því sjónarmiði að stöðva átökin í Jemen, Úkraínu og allstaðar í heiminum“.

Stjórnvöld í bæði Rússlandi og Úkraínu höfðu samþykkt að funda með Griffiths, að hans eigin sögn.

Rússar hafa fram að þessu hafnað öllum beiðnum Sameinuðu þjóðanna um að funda um stríð þeirra í Úkraínu. Nokkrum vikum áður en rússneskar hersveitir réðust inn í Úkraínu bauðst Guterres til að senda Rosemary Dicarlo, staðgengil hans í stjórnmálum, til fundar við rússnesk stjórnvöld.

Frá því stríðið braust út hefur Griffiths ekki tekist að ná til Vladimírs Pútíns, sem reiddist ásakanir aðalritarans um að Rússar hefðu brotið sáttmála SÞ með því að ráðast inn í nágrannaríki sitt, að sögn talsmanna rússnesku ríkisstjórnarinnar.

Moskva neitar því að „stríð“ standi yfir og fullyrðir að frekar sé um að ræða „sérstakar hernaðaraðgerðir“ í Úkraínu.

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• Blogga um frétt