Pyntuðu og myrtu fimm menn
Volodimír Selenskí forseti Úkraínu heimsótti Bútsja í gær.
AFP
Setja bókamerki
Lík fimm manna sem voru pyntaðir og myrtir af rússneskum hermönnum, fundust í kjallara á heilsuhæli fyrir börn í borginni Bútsja, að því er fram kom í yfirlýsingu frá embætti úkraínska ríkissaksóknarans.
„Hermenn rússneska hersins pyntuðu og drápu óvopnaða borgara,“ sagði í yfirlýsingunni. Þar kom einnig fram að hendur mannanna hefðu verið bundnar.
Líkin fundust í borginni Bútsja þar sem fjöldamorð hefur verið framið á borgurum. Volodimír Selenskí, forseti Úkraínu, segir rússneska leiðtoga bera ábyrgð. Rússnesk yfirvöld hafa neitað sök og haldið því fram að úkraínski herinn standi að baki þessum ódæðisverkum.
„Þetta er þjóðarmorð. Aftökur á götum úti,“ sagði Selenskí í ávarpi sínu á sjónvarpsstöðinni CBS á laugardag.
Kvika spáir í stýrivextina
Þingmenn stjórnarflokkanna funda á Þingvöllum
Rannsókn lögreglu á banaslysi aftur hjá ákærusviði
Gular viðvaranir víða um land
Óásættanlega langur tími
Þyngra en tárum taki
Afleiðingar fjögurra ára vatnstjóns koma fram
Bregðast við: Framtíð Grænlands „ræðst í Nuuk“