Talsmaður rússneksa varnarmálaráðuneytisins, Igor Konasjenkóv, sagði í dag að rússneski herinn hefði skotið niður tvær þyrlur sem voru að reyna að flytja á brott tvo þjóðernisforingja frá Maríupol. „Í morgun, 5. apríl, rétt hjá Maríupol var gerð tilraun til að ná í leiðtoga úkraínskra þjóðernissinna frá Azov herdeildinni, en rússneski herinn kom í veg fyrir þá tilraun. Tvær Mi-8 úkraínskar þyrlur voru skotnar niður þegar þær voru að reyna að komast til Maríupol frá sjó.“

Frétt af mbl.is

Björgunarmenn leita í rústunum

Hann sagði að um morguninn hefði verið lagt til við úkraínska herinn að þeir yfirgæfu Maríupol eftir „samþykktri leið“ sem væri stjórnað af yfirvöldum í Kænugarði, en úkraínski herinn hefði hafnað því.

„Frelsa“ borgina með loftárásum

„Fyrst yfirvöld í Kænugarði hafa engan áhuga á að bjarga hermönnum sínum, mun Maríupol verða frelsuð frá úkraínskum þjóðernissinnum,“ bætti hann við.

Í síðustu viku sagði hann að rússneski herinn hefði skotið niður þyrlu yfir Azov-hafi, þegar tilraun var gerð til þess að ná í foringja þjóðernissinna frá Maríupol. Azov-herdeildin frá Úkraínu hefur nú barist af hörku gegn Rússum í borginni sem er nú rústir einar eftir stríðsátökin.

Tengdar fréttir

Úkraína

Hljóðið óvenju þungt í Selenskí

• Fyrrverandi þingkona skotin til bana
• Tveir menn létust í loftárás Rússa
• Trump ræddi við Selenskí
• „Í raun og veru alveg óskiljanlegt“

» Fleiri tengdar fréttir

• Blogga um frétt