Bandaríska utanríkisráðuneytið segir Bandaríkin styðja fjölþjóðlegt teymi alþjóðlegra saksóknara sem hyggst fara til Úkraínu til að varðveita og greina sönnunargögn vegna fjöldamorða sem þar hafa verið framin.

Teymið fer til Úkraínu að beiðni yfirvalda þar í landi en markmiðið er að sækjast eftir refsiábyrgð Rússlands, segir talsmaður bandaríska utanríkisráðuneytisins, að því er fram kemur í frétt BBC.

Frétt af mbl.is

Sakar Rússa um þjóðarmorð í Bútsja

„Þeir sem bera ábyrgð á þessum grimmdarverkum verða að bera ábyrgð sem og þeir sem fyrirskipuðu þau.“

Samkvæmt upplýsingum ráðuneytisins eru Bandaríkin að fylgjast með og skrásetja voðaverkin og deila upplýsingum með þeim stofnunum sem geta dregið þá til ábyrgðar.

Frétt af mbl.is

Hundruð almennra borgara grafin í fjöldagröfum

Segir Pútín vera stríðsglæpamann

Joe Biden Bandaríkjaforseti hefur kallað Vladimír Pútín Rússlandsforseta stríðsglæpamann og telur hann að draga þurfi rússneska starfsbróður sinn fyrir dómstóla vegna voðaverkanna. Réttarhöld vegna glæpanna þurfa þó að bíða.

Síðustu daga hafa fregnir af grimmdarverkum rússneska hersins við Kænugarð vakið upp óhug í alþjóðasamfélaginu. Lík óbreyttra borgara lágu á víð og dreif um götur í bænum Bútsja norður af Kænugarði og ríflega fjögur hundruð lík hafa fundist í fjöldagröfum við höfuðborgina. Enn á ný er verið að ræða hvernig herða megi refsiaðgerðir gegn Rússlandi.

Tengdar fréttir

Úkraína

Hljóðið óvenju þungt í Selenskí

• Fyrrverandi þingkona skotin til bana
• Tveir menn létust í loftárás Rússa
• Trump ræddi við Selenskí
• „Í raun og veru alveg óskiljanlegt“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Þjóðarmorð og þriðja heimsstyrjöldin