Vill útiloka Rússa úr Öryggisráðinu
Setja bókamerki
Volodimír Selenskí forseti Úkraínu var ómyrkur í máli þegar hann ávarpaði Öryggisráð Sameinuðu þjóðanna í dag í gegnum fjarfundabúnað í fyrsta sinn frá því að stríðið hófst.
Þar fór hann fram á að Rússar yrðu látnir bera ábyrgð á gjörðum sínum og að þeim yrði vísað úr Öryggisráðinu fyrir glæpina sem þeir hafa framið frá því að innrásin í Úkraínu hófst. Krafðist hann skjótra viðbragða Sameinuðu þjóðanna.
Selenskí vildi að Öryggisráðið, sem á að stuðla að friði á alþjóðavettvangi og öryggis, myndi fjarlægja Rússa úr ráðinu svo að þeir gætu ekki komið í veg fyrir ákvarðanir sem tengdust eigin yfirgangi og eigin stríði.
Drepa fólk sér til ánægju
Í ávarpinu vísaði Selenskí meðal annars til fjöldamorðanna sem voru framin í bænum Bútsja og auk þess sagði hann hundruð þúsunda Úkraínumanna hafa verið brottnumda af rússneskum hermönnum til Rússlands.
„Fólk var drepið í íbúðum sínum, húsum... Óbreyttir borgarar voru kramdir af skriðdrekum á meðan þeir sátu í bílum sínum á miðjum veginum, þeim til ánægju,“ kom fram í máli Selenskís.
„Ábyrgðin er óumflýjanleg.“
Illviðri gengur yfir landið í dag
Óvissustigi á Vestfjörðum aflýst
Par flutt á bráðamóttöku eftir árás
Unnu eftir kröfugerð sem lögð var fram í upphafi
Mjög dýrt að tryggja landamærin
Óeðlilegt að sama gjald verði tekið óháð þyngd
110 milljónir í stöðu prófessors
„Mjög bagalegt“ að klára ekki málið