Shell taki á sig 5 milljarða dollara högg
Olíurisinn Shell.
AFP/ERIC PIERMONT
Setja bókamerki
Olíurisinn Shell hefur staðfest að fyrirtækið muni taka á sig fimm milljarða dollara högg með því að losa sig við rússneskar eignir sínar. Það jafngildir um 650 milljörðum íslenskra króna.
Frá þessu greindi BBC í dag. Fyrirtækið hefur heitið því að hætta kaupum á rússneskri olíu en þeir samningar sem undirritaðir voru áður en innrásin í Úkraínu hófst munu halda gildi sínu.
Shell hefur verið gagnrýnt fyrir að kaupa farm af rússneskri hráolíu á ofurlágu verði skömmu eftir að stríðið hófst.
Fyrirtækið hyggst einnig hætta þátttöku sinni í Nord Stream 2 leiðslukerfinu milli Rússlands og Þýskalands sem stjórnvöld í Berlín hafa stöðvað.
Ekki vitað um alvarleg veikindi
„Grafalvarlegt að talningin hafi ekki staðist“
Stúlkan enn í lífshættu: Rannsókn miðar vel
Eina hópmálsóknin „málsóknir Skúla gegn hópi fólks“
Spyr sig hvers vegna leyfi var gefið
„Gefið í skyn að þetta sé öruggt“
Fjögur útköll á sólarhring og stefnir í metár