Yfir fjórðungur úkraínsku þjóðarinnar á flótta
Setja bókamerki
Rúmlega 4,3 milljónir Úkraínumanna hafa flúið land frá því innrás Rússa hófst 24. febrúar, samkvæmt upplýsingum flóttamannastofnunar Sameinuðu þjóðanna. Langflestir hafa flúið til Póllands eða um 2,5 milljónir. AFP-fréttastofan greinir frá.
Fjöldi flóttamanna í Evrópu hefur ekki verið meiri frá því í seinni heimstyrjöldinni.
Þá telur Alþjóða fólksflutningastofnunin að um 7,1 milljón Úkraínumanna til viðbótar hafi þurft að flýja heimili sín en séu enn í Úkraínu.
Samkvæmt þessum tölum hefur yfir fjórðungur úkraínsku þjóðarinnar þurft að flýja heimili sín, en fyrir innrásina bjuggu 37 milljónir manna á þeim svæðum í Úkraínu sem heyrðu undir úkraínsk stjórnvöld.
Konur og börn eru 90 prósent þeirra sem flúið hafa land en karlmenn á aldrinum 18 til 60 ára mega ekki fara úr landi vegna herskyldu.
„Fyrir fimm vikum áttu börn í Úkraínu heimili og rúm. Nú þurfa börnin að leita skjóls fyrir sprengingum og eitt af hverjum tveimur hafa þurft að flýja heimili sín,“ sagði talsmaður UNICEF.
Ótrúleg atburðarás: 25 dagar frá kappræðum
„Það er þá bara alltaf orðrómur“
Kourani breytir um nafn og horfir til Bessastaða
Var aldrei að fara að byggja glerhöll eða gámahótel
Segir af sér vegna tilræðisins
/frimg/1/50/58/1505804.jpg)
Hreinar línur í veðrinu næstu tíu daga
Verðbólga hækkar umfram spár