35 létust er eldflaugum var skotið á lestarstöð
Bílar fyrir utan lestarstöðina.
AFP
Setja bókamerki
Að minnsta kosti 35 eru látnir og 100 særðir eftir að rússneski herinn skaut tveimur eldflaugum á lestarstöð í borginni Kramatorsk í austurhluta Úkraínu.
Lestarstöðin er austasta lestarstöðin í Úkraínu sem enn er starfandi.
Að sögn ríkisstjóra Donetsk-héraðs voru þúsundir manna á lestarstöðinni er árásin var gerð en fólkið var að reyna flýja svæðið.
Að minnsta kosti 35 létust í árásinni.
AFP
Volodimír Selenskí, forseti Úkraínu, sagði á Twitter að árás Rússa væri „illverk án neinna takmarka. Ef ekki verður refsað fyrir þetta, munu árásirnar aldrei hætta.“
Sókn Rússa á austurhluta landsins hefur aukist undanfarið, meðal annars til þess að skapa landtengingu á milli Krímskaga og héraðanna Donetsk og Luhansk, sem eru á valdi rússneskra aðskilnaðarsinna.
Þúsundir manna hafa flúið Donetsk-héraðið í gegnum lestarstöðina í Kramatorsk.
AFP
Síminn stoppar ekki hjá Árekstur.is
Viðreisn í mikilli sókn
Unnu eftir kröfugerð sem lögð var fram í upphafi
Mjög dýrt að tryggja landamærin
Par flutt á bráðamóttöku eftir árás
„Mjög bagalegt“ að klára ekki málið
Óeðlilegt að sama gjald verði tekið óháð þyngd