Rússneskar hersveitir hafa núna „dregið sig að fullu til baka“ frá norðurhluta Úkraínu og fært sig yfir til Hvíta-Rússlands og Rússlands, að sögn breska varnarmálaráðuneytisins.

Sumar þessara hersveita verða fluttar til austurhluta Úkraínu til að berjast í Donbas-héruðum. Margar hersveitanna þurfa aftur á móti á „umtalsverðri endurnýjun að halda“ áður en þær fara aftur af stað.

„Líklegt er að mikil endurnýjun herliðs í norðri gæti tekið að minnsta kosti viku,“ sagði ráðuneytið, að því er BBC greindi frá.

Þar kom einnig fram að árásir Rússa á borgir í austur- og suðurhluta Úkraínu haldi áfram og að rússneskir hermenn hafi komist áleiðis í suðri frá borginni Izyum sem er sögð hernaðarlega mikilvæg.

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir

• Blogga um frétt