Leiðtogarnir sprönguðu um miðbæinn
Setja bókamerki
Boris Johnson forsætisráðherra Bretlands lét ekki lítið fyrir sér fara í heimsókn sinni í Kænugarði fyrr í dag en hann skellti sér í göngutúr ásamt Volodimír Selenskí forseta Úkraínu, um miðbæ höfuðborgarinnar.
Á myndskeiði sjást leiðtogarnir tveir á rölti um tómar götur Kænugarðs í fylgd með hermönnum. Þar heilsa þeir vegfarendum og átti forsætisráðherrann spjall við einn þeirra með aðstoð túlks sem fylgdi þeim.
„Gaman að hitta þig. Það eru forréttindi að fá að hjálpa. Þú átt ótrúlegan forseta,“ sagði Johnson við manninn sem virtist í skýjunum með kynnin.
Eins og greint hefur verið frá þá kom forsætisráðherrann í óvænta heimsókn í Kænugarð og átti hann fund með forsetanum í dag. Þar lofaði hann meiri hergögnum og lýsti yfir stuðningi Breta við Úkraínumenn.
Afleiðingar fjögurra ára vatnstjóns koma fram
Ráðamenn þurfa að hafa búið áður á staðnum
Þyngra en tárum taki
Sjö fluttir á sjúkrahús
Áhrif örvandi fíkniefna meginorsök banaslyss
Gular viðvaranir víða um land
Hóflega bjartsýn á að samningar náist
Ný Tesla Y kynnt