Fyrri umferð frönsku forsetakosninganna hafin

Kjörstaðir opnuðu í Frakklandi klukkan sex í morgun vegna fyrri umferðar forsetakosninga í landinu.

Frétt af mbl.is

Tryggi kjósandinn ekki lengur til

Búist er við því að sitjandi forseti, Emmanuel Macron, og Marine Le Pen, sem er á enda hægri kvarða stjórnmálanna, komist áfram í næstu umferð og etji þar kappi um forsetastólinn.

Talið er að sú barátta verði mun jafnari heldur en þegar þau sóttust eftir embættinu fyrir fimm árum síðan.

Emmanuel Macron Frakklandsforseti. AFP

Forsetakosningarnar eru haldnar á sama tíma og stríð geisar í Úkraínu og segja sérfræðingar að það geti haft áhrif á niðurstöðu kosninganna. Kjörsókn spilar þar stóra rullu.

Vegna tímamismunar hófust kosningarnar á svæðum utan Frakklands í gær, fyrst á eyjunum Saint Pierre og Miquelon undan strönd Kanada. Eftir það var kosið á svæðum í Karíbahafinu og á frönskum eyjum í Kyrrahafinu.

Marine Le Pen. AFP/Cedrick Isham Calvados

Seinni umferð kosninganna fer fram 24. apríl.

Samkvæmt skoðanakönnunum endar vinstri maðurinn Jean-Luc Melenchon í þriðja sæti í kosningunum.

• Blogga um frétt