Búist er við því að hersveitir Rússa eigi eftir að ná Maríupol á sitt vald í kvöld eða nótt, en átök á milli úkraínskra og rússneskra hersveita hafa staðið yfir síðustu vikur í borginni sem staðsett er í austurhluta Úkraínu. 

Tæpar sjö vikur eru nú liðnar frá því að stríðið í Úkraínu hófst, en átökin í Maríupol hafa verið á meðal þeirra mannskæðustu í stríðinu. 

Úkraínsk yfirvöld tilkynntu í dag að um 1.200 lík hafi fundist í úthverfum Kænugarðs og að alls 500 Rússar væru grunaðir um morð, þeirra á meðal Vladimír Pútín Rússlandsforseti. 

Franskir rannsakendur eru nú komnir til Úkraínu og rannsaka mögulega stríðsglæpi fyrir hönd Evrópusambandsins. 

Greint var frá því fyrr í dag að skotfæri úkraínskra hersveita í Maríupol væru á þrotum og að gert væri ráð fyrir lokaorystunni um borgina í dag. Óvíst er hve margir almennir borgarar hafa fallið í átökunum það sem af er dags. 

Frétt af mbl.is

Síðasta orrustan um Maríupól?

Hersveitir Rússa hafa síðustu daga einblínt, fyrir utan Maríupol, á fleiri hernaðarlega mikilvæg svæði í austurhluta landsins, m.a. á flugvelli í borginni Dnipro og samgönguinnviði í Lugansk. 

Utanríkisráðherrar ríkja Evrópusambandsins komu saman á mánudag og ræddu frekari refsiaðgerðir á hendur háttsettum Rússum, en óeining ríkir um áframhaldandi innflutning á rússnesku jarðgasi og olíu.  

Flóttamenn frá Maríupol voru fluttir frá borginni í síðustu viku. AFP

Tengdar fréttir

Úkraína

Pútín tilbúinn í viðræður við Trump

• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn
• Fimmtán ára fangelsi fyrir að aðstoða Rússa

» Fleiri tengdar fréttir

• Blogga um frétt