Erfitt að fullyrða um efnavopnanotkun
Volodymír Selenskí, forseti Úkraínu.
AFP
Setja bókamerki
Volodymír Selenskí, forseti Úkraínu, segist ekki geta fullyrt að Rússar hafi beitt efnavopnum í sókn sinni að hafnarborginni Maríupol í suðurhluta Úkraínu. Samkvæmt óstaðfestum fregnum beittu Rússar efnavopnum gegn hermönnum og óbreyttum borgurum í Maríupol.
Selenskí sagði í ávarpi í gærkvöldi að hann tæki tilkynningum um slíkar árásir mjög alvarlega.
„Við getum hins vegar enn ekki fullyrt það með algjörri vissu hvað var um að ræða,“ sagði forsetinn.
Hann sagði enn fremur að nánast væri ógjörningur að rannsaka hvort efnavopnum hafi verið beitt í Maríupol en borgin hefur verið lögð í rúst í árásum Rússa undanfarnar vikur.
Borgin er enn umkringd rússnesku herliði og því ekki hægt að koma þangað búnaði og mannskap til rannsóknar.
Líkfundur: „Höfum grun um hvaða maður þetta er“
„Gefið í skyn að þetta sé öruggt“
Rannsókn enn í gangi og beðið niðurstöðu krufningar
Bjartsýn á að opna nýjan Kársnesskóla næsta haust
Hroðaleg þróun sem þarf að bregðast við
Konan sem missti meðvitund var í köfunarferð
Fjáröflunin gegn stefnu þjóðgarðsins