Vladimír Pútín Rússlandsforseti kallaði eftir aukinni fjölbreytni í útflutningi á orku frá Rússlandi til Asíu í dag.

Frá þessu er greint á fréttaveitu AFP.

Varaði Pútín sömuleiðis við því að Evrópuríki væru að valda óstöðugleika á markaðnum með því að loka fyrir innflutning á orku frá Rússlandi.

„Við þurfum að auka fjölbreytni í útflutningi og færa stefnu okkar inn á ört vaxandi markað í suðri og austri skref fyrir skref,“ sagði Pútín á sjónvörpuðum fundi um orkumál.

Sem fyrr sagði gagnrýndi hann einnig aðgerðir Evrópuríkja um að hætta að taka við rússneskri orku og sagði þær „valda enn meiri óróa á markaðnum og ýta undir frekari verðhækkanir“.

Tengdar fréttir

Rússland

Pútín tilbúinn í viðræður við Trump

• Skipuleggja fund: „Hann vill hittast“
• Tóku bæ á stærð við Reykjanesbæ á sitt vald
• Ungmenni handtekin fyrir að undirbúa hryðjuverk
• Fimmtán ára fangelsi fyrir að aðstoða Rússa

» Fleiri tengdar fréttir

• Blogga um frétt