Þjóðverjar hvattir til að spara orkugjafa
Setja bókamerki
Robert Habeck varakanslari Þýskalands hefur biðlað til þýsks almennings um að minnka orkunotkun og takmarka akstur bifreiða svo að Þýskaland geti hætt eða minnkað innflutning á rússnesku jarðgasi og olíu.
„Ef þið getið tekið lestir eða hjólað yfir páskana, þá er það gott: það er betra fyrir veskið og pirrar Pútín,“ sagði Habeck, sem gegnir einnig embætti fjármálaráðherra.
Þýskaland hefur hingað til ekki viljað stöðva innflutning á rússneskum orkugjöfum þrátt fyrir ákall annarra ríkja Evrópu og ekki síður Úkraínu.
Um 40% af jarðgasi og 25% af olíu sem Þýskaland flytur inn kemur frá Rússlandi. Hagfræðingar hafa varað við því að skyndileg stöðvun á innflutningi rússneskra orkugjafa gæti leitt til efnahagskreppu í þessu stærsta hagkerfi Evrópu fyrir næsta ár.
Olaf Scholz, Þýskalandskanslari, hefur gefið í skyn að mögulegt væri að hætta innflutningi á rússneskum orkugjöfum fyrir árslok. Málið er umdeilt innan þýsku ríkisstjórnarinnar og þykir sumum um leiðtogaleysi af hálfu Þýskalands að ræða.
„Ekkert samtal sem hefur átt sér stað“
Brotin eftir greiningarferlið
Mega gefa einkunnir í tölum, bókstöfum og litum
Kourani breytir um nafn og horfir til Bessastaða
Var aldrei að fara að byggja glerhöll eða gámahótel
/frimg/1/50/58/1505804.jpg)
Hreinar línur í veðrinu næstu tíu daga
Segir af sér vegna tilræðisins
Neitaði að taka þátt í PISA-könnuninni