16 lögreglumenn særðir í Svíþjóð vegna óeirða

Óeirðir hafa geisað í Svíþjóð síðustu þrjár nætur eftir að öfgasinnar kveiktu í eintaki af Kóraninum, helgasta rit múslima.

BBC greinir frá því að mótmælin hófust eftir að Stram Kurs-hreyfingin, undir stjórn stjórn­mála­- og öfgamannsins, Rasmus Palu­dan kveiktu í Kóraninum á fimmtudaginn og hótuðu að gera það aftur. 

Paludan hefur áður setið í fangelsi í Danmörku fyrir kynþáttahatur. 

Í nótt kveiktu mótmælendur í bílum og köstuðu steinum í lögreglu.

Að minnsta kosti 16 lögreglumenn hafa slasast í óeirðunum. AFP

Að minnsta kosti 16 lögreglumenn hafa særst í átökum síðustu daga í Stokkhólmi og Malmö.

Anders Thornberg lögreglustjóri segir að mótmælendur sýni virðingaleysi gagnvart lífi lögreglumanna. „Við höfum séð ofbeldisfull mótmæli áður en þetta er eitthvað annað.“

Kveikt hefur verið í bílum. AFP

• Blogga um frétt