40 skipsverj­ar lét­ust, nokk­urra er enn saknað og enn fleiri eru særðir eft­ir að Moskva, flagg­skipi Rússa sökk í Svarta­hafi.

Frétt af mbl.is

Birta mynd­ir af „áhöfn­inni á Moskvu“

BBC hef­ur eft­ir rúss­neska dag­blaðinu, Novaya Gazeta Europe, þar sem rætt var við móður eins skipsverj­anna.

Varn­ar­málaráðuneyti Rússa til­kynnti að skipið hafi sokkið á fimmtu­dag­inn í óveðri þar sem eld­ur hafði komið upp í skip­inu.

Frétt af mbl.is

Flagg­skip Rússa í Svarta­hafi sokkið

Her Úkraínu hafði áður til­kynnt um að þeim hafi tek­ist að skjóta á skipið og sökkva því með svo­kölluðum Neptún­us­ar-eld­flaug­um.

Móðir skip­verj­ans sagði í viðtal­inu að son­ur henn­ar hafi hringt í hana og sagði að þrjár eld­flaug­ar hafi hæft skipið.

„Hann hringdi í mig og var grát­andi yfir því sem hann sá. Það var skelfi­legt,“ sagði móðirin og bætti við að son­ur henn­ar hafi ekki gefið ná­kvæm­ari upp­lýs­ing­ar um hvað hann sá en að marg­ir hafi misst út­limi. 

Dag­blaðið nafn­grein­ir ekki móður­ina til þess að vernda hana en seg­ist hafa heim­ild­ir fyr­ir því að son­ur henn­ar hafi verið á skip­inu.

Örlög skips­ins eru sögð bæði niður­læg­ing fyr­ir rúss­neska flot­ann sem og stórt högg á sam­stöðu og bar­áttu­anda Rússa.

Flagg­skip Rúss­lands í Svarta­hafi, Moskva, sökk á fimmtu­dag­inn. AFP

Tengd­ar frétt­ir

Úkraína

Óþekkj­an­legt frá hryll­ingn­um sem blasti við

• Selenskí kall­ar eft­ir aukn­um þrýst­ingi á Rúss­land
• Evr­ópska aðstoðarliðið í bíg­erð
• „Mjög skýrt að Evr­ópa mun ekki bakka“
• Rúss­ar skilji aðeins vald­beit­ingu

» Fleiri tengd­ar frétt­ir

• Blogga um frétt