Bandarískt loftmyndafyrirtæki segist hafa myndað fjöldagrafreit þar sem a.m.k. 200 grafir eru nærri borginni Maríupol í austurhluta Úkraínu. 

Fyrirtækið Maxar segir að myndirnar sýni stækkun grafreitsins frá því í lok mars. Úkraínsk yfirvöld á svæðinu hafa sakað hersveitir Rússa um að grafa almenna borgara sem þær hafa fellt. Yfirvöld í Mosvku hafa ekki brugðist við ásökununum. 

Hersveitir Rússa hafa nú á valdi sínu stærstan hluta Maríupol eftir blóðug átök síðustu vikur. 

Hin meinta fjöldagröf er staðsett í þorpinu Manhúsj, um 20 kílómetra vestur af Maríupol. Maxar segist hafa myndað fjögur svæði sem mynduðu um 85 metra langar línur og talið er að hafi að geyma fjöldagrafirnar.

Loftmynd af sama svæði frá því í mars. Sjá má efst á myndinni að fjóra hálfgerða kassa vantar. AFP

Tengdar fréttir

Úkraína

Pútín tilbúinn í viðræður við Trump

• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn
• Fimmtán ára fangelsi fyrir að aðstoða Rússa

» Fleiri tengdar fréttir

• Blogga um frétt