Loftárás frá Rússum varð fimm manns að bana í hafnarborginni Odessa við Svarta hafið. Meðal hinna látnu er eitt barn, en auk látinna særðust átján manns í árásinni.

„Fimm Úkraínumenn myrtir og átján særðir. Það eru aðeins þeir sem okkur tókst að finna í rústunum. Það er líklegt að mannfallið sé miklu meira,“ sagði Andriy Yermak starfs­manna­stjóri úkraínska for­seta­embætt­is­ins á samskiptamiðlinum Telegram í dag. 

„Nýfætt barn, aðeins þriggja mánaða, er meðal þeirra sem létust.“

Rússar vilja skapa hrylling og ótta

Fyrr í morgun hafði utanríkisráðherra Úkraínu, Dmítró Kúleba sagt: „Eini tilgangur Rússa með loftárásum á Odessa er að skapa hrylling og ótta.“ Haft var eftir talsmönnum úkraínska flughersins að náðst hefði að stöðva tvær TU-95 eldflaugar sem var skotið úr Kaspíahafi. En þeir hefðu ekki náð fjórum eldflaugum Rússa sem hefðu skotið á borgina. 

„Tvær eldflauganna sprengdu upp hernaðarmannvirki en tvær sprengdu íbúabyggingu,“ var haft eftir úkraínska flughernum.

Úkraínska borgin Odessa er að mestu rússneskumælandi og mikil menningarmiðstöð í landinu. Rússar eru áður búnir að reyna að ná borginni á sitt vald, en hefur ekki tekist.

Tengdar fréttir

Úkraína

Pútín tilbúinn í viðræður við Trump

• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn
• Fimmtán ára fangelsi fyrir að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Minnir dálítið á skiptingu Póllands og landvinninga Hitlers.