Elsta manneskja heims látin 119 ára að aldri

Kane Tanaka, sem var elsta lifandi manneskja heims, er látin 119 ára að aldri. 

Frétt af mbl.is

116 ára og elskar stærðfræði

BBC greinir frá því að Tanaka var fædd árið 1903, sama ár og rithöfundurinn George Orwell, í Japan. 

Hún var yngst sjö systkina og var fyr­ir­buri. Hún gift­ist Hi­deo Tanaka þegar hún var 19 ára göm­ul og hafði aldrei hitt hann á brúðkaups­dag­inn. Þau eignuðust fjög­ur börn sam­an og ætt­leiddu það fimmta.

Hi­deo Tanaka rak fjöl­skyldu­fyr­ir­tækið sem fram­leiddi hrís­grjón og núðlur. Þegar hann gegndi herþjón­ustu árið 1937 tók Kane Tanaka við rekstr­in­um. 

Tanaka eyddi síðustu æviárunum á hjúkrunarheimili í Japan þar sem hún naut þess að spila borðspil og að borða súkkulaði. 

Frétt af mbl.is

Fær eftirlætiskökuna á 117 ára afmælisdaginn

Elsta núlifandi manneskja heims er franska nunnan Lucile Randon sem er 118 ára.

Elsta manneskja allra tíma er hins vegar franska konan Jeanne Louise Calment, sem lést 122 ára gömul árið 1997.

• Blogga um frétt