Rússneska varnarmálaráðuneytið tilkynnti rétt í þessu um vopnahlé í kringum Asovstal stálverksmiðjuna í Maríupol. 

Frétt af mbl.is

Ákall um öryggi fólksins í verksmiðjunni

Hundruð, bæði óbreytt­ir borg­ar­ar og her­menn, hafa haldið til í verksmiðjunni að undanförnu og hvorki komist land né strönd vegna stöðugra loftárása gegn Maríupol. 

Fólkið hefur liðið skort á fæðu, vatni og fersku lofti. 

Segjast ætla að halda sig í öruggri fjarlægð

Er vopnahléinu ætlað að gera það að verkum að almennir borgarar á svæðinu geti flúið.

Hléið hefst klukkan 14 að rússneskum tíma, 11 að íslenskum tíma, í dag. 

Rússneskir hermenn „munu einhliða gera hlé á hvers konar stríðsrekstri. Hersveitirnar munu flytja sig í örugga fjarlægð og tryggja brottflutning óbreyttra borgara,“ segir í tilkynningu frá rússneska varnarmálaráðuneytinu. 

Það segir að þeim sem haldi til í verksmiðjunni verði tilkynnt um vopnahléið á 30 mínútna fresti. 

Í síðustu viku sögðu rússnesk yfirvöld að þau hefðu náð algjörri stjórn á Maríupol, ef frá er talið svæðið í kringum Asovstal. 

Fréttin hefur verið uppfærð

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt