Aðgerð Rússa til að ná yfirráðum í Donbas-héruðunum í Úkraínu gengur hægt og er á eftir áætlun að sögn bandaríska varnamálaráðuneytisins, Pentagon.

Frétt af mbl.is

Biður þingið um 33 milljarða dollara

Hörð mótspyrna af hálfu úkraínskra hermanna og varkárni Rússa í að yfirtaka Kænugarð hefur leitt til „hægfara og ekki alls staðar árangursríkrar framfarar“ í Donbas sagði talsmaður Pentagon á blaðamannafundi í dag. 

„Við trúum því að það sem þeir eru í raun og veru að gera er að halda áfram að setja skilyrði fyrir viðvarandi og stærri sókn.“

Koma í veg fyrir sömu atburði og í Kænugarði

Stefna Rússa er að gera loftárás og síðan senda stórskotalið á hernaðarlega mikilvæga staði í Úkraínu, og eftir það að reyna sókn á jörðu niðri. 

Þessi sókn hefur vegar ekki haft þann árangur sem Rússar áætluðu. 

Þá sagði talsmaðurinn að Rússar væru varkárir til að koma í veg fyrir sömu atburðarrás og gerðist í Kænugarði. 

Gert er ráð fyrir að Rússar séu að reyna tangarsókn á vígvellinum til að umkringja úkraínska hermenn á fremstu víglínu. 

92 rússneskar herdeildir eru í Austur- og Suður-Úkraínu núna, fleiri eru Rússlandsmegin á landamærunum, að sögn Pentagon. 

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt