Vilja flytja óbreytta borgara frá Maríupol í dag
Setja bókamerki
Áformað er að flytja óbreytta borgara frá Azovstal stálverinu í úkraínsku hafnarborginni Maríupol í dag, þar sem úkraínskar hersveitir og almenningur hafa haldið sig til og eru umkringdir af rússneskum hermönnum.
„Aðgerð til að flytja óbreytta borgara frá Azovstal verksmiðjunni er fyrirhuguð í dag,“ segir í yfirlýsingu frá úkraínska forsetaembættinu.
Í síðustu viku fullyrtu Rússar að þeir væru búnir að ná fullum yfirráðum yfir hafnarborginni að undanskildu iðnaðarsvæðinu við Azovstal stálverið, sem er nokkuð umfangsmikið.
Vladimír Pútín Rússlandsforseti hefur fyrirskipað að svæðið verði lokað af en hundruð óbreyttra borgara hafa leitað þar skjóls ásamt úkraínskum hermönnum, þar af fólk sem þarfnast læknisaðstoðar, samkvæmt yfirvöldum í Úkraínu.
Antonio Guterres aðalritari Sameinuðu þjóðanna sagði í þessari viku að Sameinuðu þjóðirnar væru að gera allt sem í sínu valdi stæði til að tryggja flutning almennra borgara frá „heimsenda“ ástandinu í Maríupol.
Bjartsýn á að opna nýjan Kársnesskóla næsta haust
Blár og marinn eftir slagsmál á bar
Eina hópmálsóknin „málsóknir Skúla gegn hópi fólks“
Höfum nægan tíma til að bregðast við
Magnús Tumi: Innviðir ólíklega í hættu
Meðvitundarlaus kona dregin upp úr Silfru
Nóróveiran gengur enn um hálendið