Rússneski herinn ræðst af miklu afli á Asovstal
Setja bókamerki
Rússneski herinn sagði í dag að sveitir hans og rússneskir aðskilnaðarsinnar væru að beita stórskotaliði sínu og flugher gegn Asovstal stálverksmiðjunni í úkraínsku borginni Maríupol. Þar eru úkraínskir hermenn staddir, og eru þeir nokkurn veginn hinir síðustu í borginni.
Rússneska varnarmálaráðuneytið ásakaði hermennina um að nota vopnahlé á svæðinu til þess að komast á nýjan leik í bardagastöður sínar í verksmiðjunni.
„Með því að nota stórskotalið okkar og flugher eru rússneski herinn og aðskilnaðarsinnar í Dónetsk byrjaðir að brjóta á bak aftur skotstöðvar úkraínskra hermanna,“ segir í yfirlýsingu frá varnarmálaráðuneytinu sem rússneskir miðlar birtu.
Maríupol er ein af þeim úkraínsku borgum sem hefur orðið hvað verst úti í stríðinu.
Að sögn úkraínskra stjórnvalda var ríflega 100 manns bjargað úr stálverksmiðjunni um helgina. Þar hafa hermenn og almennir borgarar leitað skjóls í göngum neðanjarðar.
Par flutt á bráðamóttöku eftir árás
„Mjög bagalegt“ að klára ekki málið
Mjög dýrt að tryggja landamærin
Frestar skerðingum fyrir norðan og austan
Unnu eftir kröfugerð sem lögð var fram í upphafi
Óvissustig á mörgum vegum
Greiningarmiðstöð hluti af 13 landamæraaðgerðum