Mahinda Rajapaksa, forsætisráðherra Sri Lanka, hefur sagt af sér embætti eftir að stjórnmálamenn meirihlutans myrtu mótmælendur.

Sam­fé­lags­miðlabann hef­ur verið í gildi í land­inu í rúm­an mánuð og skort­ur er á mat, eldsneyti og öðrum nauðsynja­vör­um. Mesta efna­hags­lægð í sögu lands­ins ríður yfir, frá því það öðlaðist sjálf­stæði árið 1948.

Frétt af mbl.is

Útgöngubann í kjölfar mótmæla

Átökin hafa verið hörð. AFP

Þingmaðurinn Amarakeerthi Athukorala skaut á mótmælendur sem hindruðu að hann kæmist að bílnum sínum, með þeim afleiðingum að einn lést og tveir særðust. Þingmaðurinn svipti sig svo lífi eftir að hafa verið umkringdur af hópi mótmælenda, að sögn lögreglu.

Annar stjórnmálamaður meirihlutans, sem hefur ekki verið nafngreindur, hóf skothríð á mótmælendur í bænum Weeraketiya í suðurhluta landsins. Að sögn lögreglu myrti hann tvo og særði fimm.

Talið er að um 181 manns hafi verið fluttir á sjúkrahús. AFP

Mót­mæl­in hafa hingað til að mestu farið friðsam­lega fram en í dag rétuðst stuðningsmenn forsetans og forsætisráðherrans, sem eru bræður, á óvopnaða mótmælendur fyrir utan skrifsstofu forsetans.

„Við vorum lamin, fjölmiðlafólk lamið, konur og börn voru lamin,“ sagði eitt vitni sem vildi ekki koma fram undir nafni við fréttastofu AFP.

Talið er að um 181 manns hafi verið fluttir á sjúkrahús.

Fólk hefur beitt ofbeldi. AFP/Ishara S. Kodikara

Gota­baya Rajapaksa, forseti landsins, hefur fordæmt ofbeldið á Twitter.

Tengdar fréttir

Mótmæli á Srí Lanka

Nýr forseti kjörinn í stað þess útskúfaða

• Tortímandinn frá Srí Lanka
• Nýr forseti kjörinn á miðvikudag
• Forsetinn yfirgefur Maldíveyjar eftir mótmæli
• Réðust inn á skrifstofu forsætisráðherrans

» Fleiri tengdar fréttir

• Blogga um frétt