Yfirvöld í Sri Lanka settu á útgöngubann í landinu og sendu hersveitir út eftir að tugir þurftu að leita á sjúkrahús í stærstu mótmælum gegn stjórnvöldum í nokkrar vikur.

Samfélagsmiðlabann hefur verið í gildi í landinu í rúman mánuð og skortur er á mat, eldsneyti og öðrum nauðsynja­vör­um. Mesta efna­hags­lægð í sögu lands­ins ríður yfir, frá því það öðlaðist sjálf­stæði árið 1948.

Frétt af mbl.is

Samfélagsmiðlabanni mótmælt í Sri Lanka

Mótmælin hafa hingað til að mestu farið friðsamlega fram en í dag lenti mótmælendum og fjölskyldu forseta landsins, Gotabaya Rajapaksa, saman í höfuðborginni Colombo.

Lögregla beitti táragasi gegn mótmælendum og umsvifalaust var gripið til útgöngubanns í Colombo. Fljótlega var útgöngubann í öllu landinu en þar búa 22 milljónir manna.

Óeirðalögreglan var kölluð á svæðið. AFP

Samkvæmt upplýsingum frá stjórnvöldum var óeirðalögregla kölluð til aðstoðar auk þess sem hermenn eru sýnilegir til að koma í veg fyrir uppþot.

Efnahagur landsins hefur verið í molum frá því kórónuveirufaraldurinn hófst en langmestar tekjur voru tengdar ferðamannaiðnaðinum.

Tengdar fréttir

Mótmæli á Srí Lanka

Nýr forseti kjörinn í stað þess útskúfaða

• Tortímandinn frá Srí Lanka
• Nýr forseti kjörinn á miðvikudag
• Forsetinn yfirgefur Maldíveyjar eftir mótmæli
• Réðust inn á skrifstofu forsætisráðherrans

» Fleiri tengdar fréttir

• Blogga um frétt