Verðbólga í Bretlandi í apríl var sú hæsta í landinu 40 ár og fór í 9 prósent eftir að hafa verið 7 prósent í mars.

Þetta kemur fram í tölum sem voru birtar í morgun. Í yfirlýsingu kemur fram að verðbólgan hafi ekki verið svona há síðan 1982.

Þjóðir víðs vegar um heiminn eru að glíma við hæstu verðbólgu í langan tíma á sama tíma og stríðið í Úkraínu hefur þrýst upp verði á orku og matvælum. Breski seðlabankinn, sem og aðrir seðlabankar, hafa fyrir vikið þurft að hækka stýrivexti.

Andrew Bailey, seðlabankastjóri Bretlands, varaði á mánudag við afar slæmri stöðu í tengslum við hækkandi matvælakostnað. Ástæðan væri sú að Úkraína, sem er stór framleiðandi hveitis og matvælaolíu, gæti ekki flutt vörur sínar úr landi.

Tengdar fréttir

Úkraína

Stríðið endi fyrr með Trump í Hvíta húsinu

• Skutu niður flugskeyti og dróna yfir Kænugarði
• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB

» Fleiri tengdar fréttir

• Blogga um frétt