Átta nýjar borgir í Bretlandi

Átta bæir fengu nafnbótina borgir í tilefni af drottningarafmæli Elísabetar II Bretlandsdrottningar. 

Haldin var samkeppni þar sem fjörutíu bæir sóttu um. Umsækjendur þurftu að sýna fram á að bærinn byggi yfir menningararfleifð og tengslum við krúnuna.

Þetta kemur fram í frétt BBC.

Nýju borgirnar eru eftirfarandi:

• Milton Keynes á Englandi 
• Dunfermline í Skotlandi
• Bangor í Norður Írlandi
• Wrexham í Wales
• Stanley í Falklandseyjum
• Douglas í Mön
• Colchester á Englandi
• Doncaster á Englandi

Nú eru borgirnar á meginlandi Bretlands orðnar 76, þar af 55 á Englandi, átta í Skotlandi, sjö í Wales og sex í Norður-Írlandi. 

Tækifæri fyrir íbúa

Þetta var í fyrsta skipti sem bæir á öðrum yfirráðasvæðum Breta gátu tekið þátt í kepnninni sem er haldin á tíu ára fresti. 

Í tilkynningu frá skrifstofum drottningarinnar segir að borgarnafnbótin komi til með að opna á ný tækifæri fyrir íbúa og auka hagvöxt í hinum nýju borgum. 

Því til stuðnings er vísað til þess að í borginni Perth í Skotlandi, sem fékk borgarnafnbótina í síðustu keppni, hafi hagvöxtur aukist um tólf prósent á síðustu tíu árum. 

• Blogga um frétt