Búið að skrúfa fyrir gas til Finnlands
Setja bókamerki
Rússnesk stjórnvöld hafa nú lokað fyrir flutning á gasi til Finnlands. Tilkynnti ríkisrekna orkufyrirtæki Finnlands, Gasum, í gær að þetta yrði gert. Finnland neitar að greiða eldsneytisfyrirtækinu Gazprom fyrir þjónustu sína í rúblum líkt og Rússar fara fram á.
Rússnesk stjórnvöld hafa sagst þurfa að leita hefnda vegna áætlana Finna um að ganga í Atlandshafsbandalagið en bæði Svíþjóð og Finnland hafa sótt um aðild.
Síðan innrás Rússa hófst hafa stjórnvöld þar í landi krafist þess að „óvinveitt lönd“, þar á meðal Evrópusambandslönd, greiði fyrir gas í rúblum og er það meðal annars gert til þess lágmarka skaða sem hlýst af efnahagsþvingunum Vesturlanda.
Flytja gas í gegnum Eistland í staðinn
Gazprom tilkynnti í dag að það sé hætt að flytja gas yfir til Finnlands þar sem fyrirtækinu höfu ekki borist greiðslur í rúblum frá Gasum en segir jafnframt í tilkynningunni að Gazprom hafi flutt 201 milljarða rúmmetra af gasi til Finnlands árið 2021 en það jafngildir tveimur þriðju af gasneyslu landsins á árinu.
Í ljósi þessa mun Gasum í framtíðinni flytja gas í gegnum Eistland og búist er við því að starfseminni verði ekki raskað þar með.
„Mjög bagalegt“ að klára ekki málið
Erfiðara fyrir flokka að segjast hlutlausir
Unnu eftir kröfugerð sem lögð var fram í upphafi
Upptökur með leynd færast í vöxt
Fresta framkvæmdum við Landspítala
Viðreisn í mikilli sókn
Hálfgerð martröð fyrir kosningastjóra
