Einstaklingur með apabólu dvaldi í Noregi
Apabóla hefur verið að skjóta upp kollinum víða um heim.
Setja bókamerki
Norsk yfirvöld hafa greint frá því að einstaklingur sem sýktur er af apabólu hafi komið til landsins. Um er að ræða fyrsta tilfelli sjúkdómsins í Noregi.
NRK greinir frá því að um sé að ræða Evrópubúa sem kom til Óslóar 6. maí og dvaldi í borginni í fjóra daga.
Einstaklingurinn var með einkenni apabólu á meðan dvölinni stóð en fékk smitið ekki staðfest fyrr en heim var komið.
Borgaryfirvöld í Ósló vinna nú að því að kortleggja ferðir einstaklingsins og koma upplýsingum til þeirra sem gætu átt í hættu á smiti.
Preben Aavitsland, yfirlæknir hjá Norsku lýðheilsustofnuninni, segir það ekki koma á óvart að smit greinist í landinu.
Ekki er talið að almenningi stafi mikil ógn af apabólu en flestir jafna sig á nokkrum vikum.
Hálfgerð martröð fyrir kosningastjóra
Allt frá nokkrum tímum upp í viku í nýrri miðstöð
Óvissustig á mörgum vegum
Mjög dýrt að tryggja landamærin
Illviðri gengur yfir landið í dag
110 milljónir í stöðu prófessors
