Úkraína í ESB eftir 10 til 15 ár
Setja bókamerki
Clement Beaune, Evrópuráðherra Frakklands, telur að Úkraína gæti fengið inngöngu í Evrópusambandið (ESB) eftir 10 til 15 ár en Volodimír Selenskí Úkraínuforseti hefur ítrekað lýst yfir vilja um að ganga í sambandið sem fyrst.
„Við þurfum að vera heiðarleg. Ef þú segir að Úkraína muni ganga í ESB á næstu sex mánuðum, ári eða tveimur, þá ertu að ljúga,“ sagði Beaune í viðtali við frönsku útvarpsstöðina Radio J.
Hann sagði að 10 til 15 ár væru líklegri kostur og að ferlið myndi taka langan tíma.
Olaf Scholz, kanslari Þýskalands, sagði á fimmtudaginn að ekki væri hægt að flýta umsókn Úkraínu þrátt fyrir innrás Rússa í landið.
Sagði hann að undantekning fyrir Úkraínu væri ósanngjörn gagnvart ríkjum á Vestur-Balkanskaga sem einnig hafa sóst eftir aðild.
Unnu eftir kröfugerð sem lögð var fram í upphafi
Óeðlilegt að sama gjald verði tekið óháð þyngd
Allt frá nokkrum tímum upp í viku í nýrri miðstöð
Fresta framkvæmdum við Landspítala
Vonast eftir breiðri þverpólitískri sátt
Mjög dýrt að tryggja landamærin
