Yfirvöld í Peking, höfuðborg Kína, voru lítt ánægð með ummæli Joe Bidens Bandaríkjaforseta um að Bandaríkin myndu hjálpa taívanska hernum að verjast ef Kínverjar réðust á eyjuna. Að sögn talsmann kínverska utanríkisráðuneytisins eru Kínverjar reiðubúnir að verja þjóðarhagsmuni sína gagnvart Taívan.

Biden lét ummælin falla í morgun þegar hann var að ræða refsiaðgerðir gegn Rússlandi vegna stríðsins í Úkraínu. Sagði hann Rússa þurfa að borga fyrir það í langan tíma. Tók hann m.a. fram að ekki væri skynsamlegt fyrir Vesturlönd að draga úr refsiaðgerðum gegn Rússum því kínversk stjórnvöld væru að fylgjast með. 

Frétt af mbl.is

Pútín greiði langtímagjald fyrir villimennskuna

„Hvaða skila­boð myndi það senda Kína um kostnaðinn við að gera til­raun til að her­taka Taív­an?“ spurði Biden þá. 

Ummælin féllu ekki í kramið hjá yfirvöldum í Peking en talsmaður utanríkisráðuneytisins sagði að enginn ætti að vanmeta vilja og getu kínversku þjóðarinnar til að verja fullveldi þjóðarinnar og landhelgi. 

Tengdar fréttir

Úkraína

Mögulegar samningaviðræður en ekki við Selenskí

• Enginn úr ríkisstjórn Trumps verið í sambandi við Rússa
• Yfirgefi svæðin þegar í stað
• Rússar telja ekkert nýtt felast í hótunum Trumps
• Trump segir Rússa mega búast við frekari aðgerðum

» Fleiri tengdar fréttir

• Blogga um frétt