Hætta umfangsmikilli starfsemi í Rússlandi

Æ fleiri stórfyrirtæki ákveða um þessar mundir að hætta starfsemi sinni í Rússlandi vegna innrásar Rússa í Úkraínu. 

Mörg stórfyrirtæki lokuðu í Rússlandi tímabundið og veltu fyrir sér framhaldinu. Á dögunum tilkynnti McDonald's að fyrirtækið myndi hætta starfssemi í Rússlandi og nú hefur kaffirisinn Starbucks fylgt í kjölfarið. 

Starbucks tilkynnti í dag að fyrirtækið muni hætta allri starfsemi í Rússlandi og þar er um að ræða 130 kaffihús. 

Ljóst er að þar tapast fjöldi starfa en efnahagshrun blasir við Rússum vegna stríðsrekstursins og viðbragða Vesturlanda við honum. 

• Blogga um frétt