Gisti- og ferðaþjónusturisinn Airbnb hefur ákveðið að loka starfsemi sinni í Kína vegna sóttvarnatakmarkana þar, sem virðast engan enda ætla að taka. Hefur franska fréttaveitan AFP þetta eftir ónefndum heimildamanni.

Airbnb mun ekki lengur bóka húsnæði eða afþreyingu í Kína en mun heldur beita sér fyrir ferðalögum utan landsins. Airbnb hefur ekki viljað tjá sig um málið enn þá.

Frétt af mbl.is

Forstjóri WHO gagnrýnir smitleysisnálgun Kína

Hafa hýst 25 milljónir gesta

Airbnb var fyrst opnað í Kína fyrir sex árum og hefur bókað gistingu þar fyrir ríflega 25 milljónir gesta. Á undanförnum árum hefur aðeins 1% af heildarbókunum Airbnb átt sér stað í Kína. Fyrirtækið sætir nokkurri samkeppni í Kína en takmarkanir vegna faraldurs kórónuveiru, sem sumir halda fram að sé lokið, hafa sett strik í reikninginn. 

Kína hefur haldið til streitu þeirri stefnu að útrýma veirunni (e. zero-Covid policy) og hafa því margar borgir þurft að sæta útgöngubanni og öðrum hörðum takmörkunum. Hafa takmarkanirnar verið hvað harðastar í Sjanghæ og Peking, sem hefur haft lamandi áhrif á hagkerfið.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt