Fjórar sprengjur urðu tólf að bana
Setja bókamerki
Fjórar sprengjur sprungu í Afganistan í dag í þremur rútum og einni mosku sem urðu tólf manns að bana. Ríki íslams hefur lýst yfir ábyrgð á árásinni.
Nokkuð hefur dregið úr tíðni sprengjuárása í Afganistan eftir að Talíbanar náðu völdum þar í ágúst á síðasta ári en töluvert hefur verið um sprengjuárásir aftur í heilögum mánuði múslima Ramadan.
Þrjár sprengjur sprungu í borginni Mazar-i-Sharif og voru sprengjurnar um borð í þremur rútum á sitthvorum stöðum í borginni samkvæmt tilkynningu frá lögreglu í borginni. Ein sprengjan sprakk í mosku í höfuðborg Afganistan Kabúl. Alls létu tólf lífið og 25 særðust.
Nokkrum tímum eftir árásina lýsti Ríki íslams yfir ábyrgð á sprengjunum á samfélagsmiðlinum Telegram.
Enn er óljóst hvort að sprengjuárásin hafi verið miðuð gegn ákveðnum þjóðfélagshópum. Ríki íslams og Talíbanarnir eiga í hatrömmum átökum. Talíbanar halda því fram að þeir séu búnir að sigra Ríki íslams en ljóst er að Ríki íslams ógnar enn öryggi almennra borgara.
Íslandsvinur lést í árásinni í New Orleans
Telur að eldgosahrinan sé að fjara út
Hægt að þétta byggð á betri hátt
Ólafsfjarðarmálið fer fyrir Hæstarétt
„Engin auðveld leið“ til að takast á við netsvik
Mesta vatnshæð frá upphafi mælinga
Skjálftar í Bárðarbungu
