Volodimír Selenskí, forseti Úkraínu, heimsótti í fyrsta sinn, síðan innrásin í Úkraínu hófst, hið stríðshrjáða austur en rússneskir hermenn hafa hert tök sín á helstu borgum Donbas-héraðsins.

Eftir að hafa heimsótt Karkív tilkynnti Selenskí að hann hefði rekið yfirmann varnarmála í  norðausturhluta borgarinnar.

Selenskí sagði að manninum hefði verið vísað frá „fyrir að hafa ekki unnið að því að verja borgina frá fyrstu dögum stríðsins, heldur hafi hann aðeins hugsað um sjálfan sig“, og að á meðan aðrir hefðu stritað hefði hann ekki gert það.

Þrátt fyrir að forsetinn hafi ekki nafngreint embættismanninn nafngreindu úkraínskir ​​fjölmiðlar hann sem Róman Dúdin, yfirmann úkraínsku öryggissveitanna, SBU, á Karkív-svæðinu.

Fyrr í dag birti skrifstofa Selenskís myndband á samskiptaforritinu Telegram af forsetanum klæddum skotheldu vesti á meðan hann skoðaði eyðilagðar byggingar í Karkív og nágrenni.

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• Blogga um frétt