Rússneski olíu- og gasrisinn Gazprom Export mun loka fyrir gasflutning til Danmerkur á morgun, 1. júní, þar sem að danska orkufyrirtækið Orsted hefur neitað að borga fyrir reikninga sína í rúblum, rússneska gjaldmiðlinum. 

Samkvæmt upplýsingum frá Orsted hefur Gazprom tilkynnt að lokað verði fyrir afhendingu gass klukkan 6:00 að morgni til.

Rússar hafa þegar lokað fyrir flutning gass til Póllands og Búlgaríu. Þá hefur flutningur til Finnlands verið skertur.

Frétt af mbl.is

Rússar láta finna fyrir sér

Fylltu á geymslubirgðir

Danska fyrirtækið var viðbúið þessari ákvörðun og hafði því gripið til varúðarráðstafana og fyllt á geymslubirgðir í bæði Danmörku og Þýskalandi til að geta tryggt gas til viðskiptavina sinna í einhvern tíma.

Í yfirlýsingu Orsted í dag kemur fram að engin gasleiðsla liggi beint frá Rússlandi til Danmerkur og því geti Rússar ekki lokað beint fyrir gasið. 

„Aftur á móti þá þýðir þetta að gasið sem kemur til Danmerkur verður að miklu leyti að vera keypt á evrópskum gasmarkaði,“ segir í yfirlýsingunni.

Gerir fyrirtækið ráð fyrir að það sé mögulegt.

Tengdar fréttir

Úkraína

Rússar réðust á orkuinnviði á jóladag

• Segja Norður-Kóreumenn hafa haft lítil áhrif
• Norðurkóreskir hermenn drepnir í stríði Rússa
• Sammála um að koma þurfi á „varanlegum friði“
• Norðurkóreskir hermenn felldir í Evrópu

» Fleiri tengdar fréttir

• Blogga um frétt