Þúsund apabólusmit ástæða til varúðar
Setja bókamerki
Þúsund tilfelli apabólu hafa nú verið staðfest utan Afríku og segir Alþjóðaheilbrigðismálastofnunin (WHO) það gefa til kynna að sjúkdómurinn gæti orðið landlægur í öðrum löndum. Apabóla hefur hingað til aðeins verið landlæg í Afríku.
Framkvæmdastjóri Alþjóðaheilbrigðismálastofnunarinnar, Tedros Adhanom Ghebreyesus, segir að heilbrigðisstofnun Sameinuðu þjóðanna leggi ekki til að bólusetja fjölda fólks eins og gert var í kórónuveirufaraldrinum. Bendir hann á að enginn hafi látist hingað til af völdum sjúkdómsins.
Greinst í 29 löndum utan Afríku
„Meira en þúsund smit af apabóla hafa nú verið tilkynnt til WHO frá 29 löndum þar sem sjúkdómurinn er ekki landlægur,“ sagði Tedros á blaðamannafundi. Ítrekaði þá Tedros að sjúkdómurinn hafi ekki aðeins greinst í mönnum sem stunda mök með öðrum mönnum.
Helstu einkenni apabólu eru útbrot sem dreifa sér um líkamann, hiti, kuldaköst og liðverkir.
Tedros bendir á að þó að þetta sé ástæða til varúðar hafi sjúkdómurinn lengi verið landlægur í þó nokkrum löndum í Afríku. Hafa til dæmis 1.400 manns smitast með Apabólu og 66 látist af völdum hennar á þessu ári í Afríku. Að mati Tedros ættu þessu lönd að fá sömu tækni og hjálp til að takast á við sjúkdóminn og lönd utan Evrópu keppast nú um að verða sér út um.
„Má segja að þetta gos hafi þjófstartað“
Hraunið við bílastæði Bláa lónsins
Líklega komin á seinni hluta hrinunnar í Svartsengi
Drónamyndskeið frá hápunkti gossins í nótt
Börn hafi engan rétt á leikskólakennslu
„Erum í miðri hrinu“: Styttist í Eldvörp
Hótar Bretum og Bandaríkjamönnum
Maskína: Framsókn í fallbaráttu