Annað hvort geti hermenn gefist upp eða dáið
Setja bókamerki
Úkraínskar hersveitir hafa verið þvingaðar út úr miðbæ borgarinnar Severodonetsk í austurhluta Úkraínu, þar sem bardagar hafa geisað í margar vikur.
„Óvinurinn, með aðstoð stórskotaliðs, hefur ráðist á borgina Severodonetsk með nokkrum árangri. Hann hefur hrakið sveitir okkar út úr miðbænum,“ sagði í færslu úkraínska hersins á Facebook.
Hersveitir aðskilnaðarsinna, sem eru hliðhollir Rússum, hafa sagt borgina vera lokaða og hvatt úkraínska hermenn til að gefast upp.
Borgin „lokuð“
„Severodonetsk hefur í raun verið lokuð eftir að síðasta brúin sem tengdi hana við Lísítsjansk var sprengd í loft upp í gær,“ sagði Eduard Basurin, fulltrúi aðskilnaðarsinnanna við fréttamenn á mánudag.
Sagði hann hermenn hafa tvo kosti: „Að gefast upp eða deyja.“
Þá sagði hann að hersveitir aðskilnaðarsinna herjuðu á borgina Slovyansk úr vestri, norðri og austri.
Örlög svæðisins ráðast í borginni
Rússar hafa náð völdum yfir stórum hluta Severodonetsk, þar á meðal íbúðarhverfum, en Úkraínumenn hafa haldið fast í iðnaðarhverfin. Borgin, sem er staðsett í Lúhansk-héraði á Donbas-svæðinu, er sú stærsta á svæðinu sem hefur ekki fallið í hendur Rússa.
Volodimír Selenskí, forseti Úkraínu, hefur sagt að örlög Donbas-svæðisins muni ráðast í Severodonetsk.
Í gær gerðu Rússar skotárás á efnaverksmiðju í borginni, með þeim afleiðingum að eldur kom upp. Talið er að um 800 íbúar hafi hafist við í sprengjuskýli undir verksmiðjunni.
Þungbært að missa félaga
Altjón eftir að kviknaði í út frá rafmagni
Ágreiningur í VG um aðild að NATO
„Allir tilbúnir að hjálpa“
Börnum mismunað: Kjaradeilan verði leyst án tafar
Ekki gerlegt að sakfella eftir lýsingu í ákæru
Gera ráð fyrir 1,7 milljarða króna rekstrarafgangi