Rússneskir dómstólar hafa fallist á framlengingu gæsluvarðhalds yfir bandarísku  körfuboltakonunni Brittney Griner, sem var handtekin á flugvellinum í Moskvu fyrir að hafa í vörslum sínum rafsígarettu með kannabis olíu. 

Gæsluvarðhaldið var framlengt til 2. júlí og verður þá endurskoðað að nýju. 

Griner er 31 árs gömul og 2,06 metrar á hæð. Þykir hún meðal bestu körfuboltakvenna heims. 

Hafði verið að spila í Rússlandi

Griner á að baki tvö gullverðlaun á Ólympíuleikunum með kvennalandsliði Bandaríkjanna í körfubolta. Hún spilar í WNBA deildinni, en hafði verið að spila fyrir lið í efstu deild á Rússlandi síðastliðið hálfa árið. Það er algengt að leikmenn WNBA leiti á önnur mið og tryggi sér þannig tekjur þegar hlé er á deildinni. 

Griner var á leið til baka til Bandaríkjanna en var handtekin á flugvellinum í febrúar og hefur verið í gæsluvarðhaldi í Rússlandi síðan. 

Handtakan átti sér þannig stað örfáum dögum áður en Rússar réðust inn í Úkraínu. Bandarísk yfirvöld segja Rússa hafa handtekið Griner að ósekju. 

WNBA deildin kveðst vera að beita sér fyrir því að fá Griner lausa úr haldi. 

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

Fangaskipti Rússlands og Bandaríkjanna

Morðingi og netþrjótar í skiptum fyrir blaðamenn

• Um­fangs­mikil fanga­skipti í Tyrk­landi
• Gershkovich og Whelan óvænt á barmi frelsis
• Stefni á að „eyðileggja“ og „sundra“ Rússlandi
• Samband Rússlands og Bandaríkjanna enn í „krísu“

» Fleiri tengdar fréttir

• Blogga um frétt