Segja borgina ekki einangraða
Setja bókamerki
Úkraínsk yfirvöld vísa á bug ummælum um að borgin Severódónetsk í Lúhansk-héraðinu sé einangruð, þrátt fyrir að búið sé að eyðileggja allar brýr sem liggja í átt að henni, þar á meðal brúna sem tengir hana við nágrannaborgina Lísítsjansk.
Enn séu einhverjar samskiptaleiðir í boði sem hægt sé að nota þó þær séu flóknar. Úkraínskir hermenn haldi áfram að verja borgina þó að ástandið sé slæmt.
Talið er að um 540 til 560 óbreyttir borgarar leiti nú skjóls í neðanjarðarbyrgi undir Asot-efnaverksmiðjunni í iðnaðarhverfi borgarinnar. Eldur kom upp í verksmiðjunni á sunnudag eftir skotárás Rússa. Óleksandr Strjúk, yfirmaður borgarstjórnar, segir að erfitt sé að veita fólkinu þar stuðning en að einhverjar birgðir séu þar til staðar.
Ekki fallið í hendur Rússa
Bardagar hafa geisað í margar vikur í Severódónetsk, en borgin er sú stærsta í Lúhansk-héraðinu í austurhluta Úkraínu, sem hefur ekki fallið í hendur Rússa en þeir eru þó sagðir fara með stjórn yfir stærstum hluta hennar.
Úkraínumenn halda fast í iðnaðarsvæði borgarinnar en hart hefur verið sótt að því undanfarna daga.
Í gær kom tilkynning frá úkraínska hernum um að búið væri að hrekja hersveitir hans burt frá miðbæjarsvæðinu í borginni.
Hersveitir aðskilnaðarsinna, sem eru hliðhollir Rússum, segja nú borgina lokaða eftir að síðasta brúin sem tengdi borgina við Lísítsjansk var sprengd á sunnudaginn, og hafa hvatt úkraínska hermenn til að gefast upp.
/frimg/1/50/98/1509812.jpg)
Aukin tíðni strætóferða fyrir fleiri íbúa
Frestar skerðingum fyrir norðan og austan
Óeðlilegt að sama gjald verði tekið óháð þyngd
Óvissustigi á Vestfjörðum aflýst
Síminn stoppar ekki hjá Árekstur.is
Greiningarmiðstöð hluti af 13 landamæraaðgerðum
Illviðri gengur yfir landið í dag
