Spennandi kosningar í Frakklandi

Seinni umferð frönsku þingkosninganna fer fram í dag en þá ræðst hvort kosn­inga­banda­lag Emm­anu­el Macron Frakk­lands­for­seta, sem samanstendur af þremur miðju-hægri flokkum, verði áfram fjölmennast á þingi eða hvort bandalag þriggja vinstri flokka skáki bandalagi forsetans.

Skoðanakannanir frá því í nýliðinni viku benda til þess að miðju-hægri bandalagið sé á góðri leið með að tryggja sér 255 til 305 þing­sæti í kosn­ing­un­um. Óvíst er þó hvort þeim tak­ist að tryggja þau 289 þing­sæti sem þarf til að mynda hrein­an meiri­hluta.

Frétt af mbl.is

Óvíst að Macron nái hreinum meirihluta

Í fyrri umferð kosninganna munaði litlu á bandalagi Macrons, Ensamble, og vinstri flokkunum, NUPES-bandalaginu, en bæði hlutu þau um 26% atkvæða.

Úthlut­un þing­sæta fer eft­ir fylgi flokka í ein­staka héröðum og verði staðan svipuð fær Ensamble mun fleiri þingmenn þrátt fyrir svipað fylgi á landsvísu. Eins og áður segir er þó óvíst hvort það dugi til að halda hreinum meirihluta á þingi.

• Blogga um frétt